Twents gedicht over “de Kasdagen’
Twents gedicht over “de Kasdagen’
Ieder joar met Kasoamd dan goa wiej
met mekaa noar de kark.
Trekt noar de kribbe, ’t is toch stark
Zingt met meka weer Stille Nacht
En ons gemood wördt heanig zacht.
De bosschop wördt wear-oet-elegd
En mooie weure oet ezegd
Van vrede en gerechtigheid
En leaven tot in eeuwigheid.
Woar aanders vake ruzie was
Doar dreenkt ze met meka een glas
Der is ook pais en vree in hoes
Gebroaden knien met appelmoes.
En alman kik nog es terug
Noar vrogger want de tied geet vlug.
Mar woar ’n stool noe leuge steet
Doar veult ze dubbel eur verdreet.
Woarum as ik van kasmis hoal
Met ’n kasboom en ’n lekker moal
En ’t kribke, schöapkes en écht mos
Dat lekker rok noar ’t Groavenbos
Het gef zo’n sfeer van vree en lech
En ’t wis miej ieder joar de weg
Noar ’t keend dat toen geboren is
As boaken in de duusternis.
Bron: Seniorenjournaal 2023